44-օրյա պատերազմի հանգամանքներն ուսումնասիրող հանձնաժողովն ավարտել է աշխատանքը. եզրակացությունը կներկայացվի դռնփակ նիստում

p bԵՐԵՎԱՆ, 6 սեպտեմբերի./ԱՌԿԱ/. /bԱրցախում 2020 թվականի 44-օրյա պատերազմի հանգամանքներն ուսումնասիրող հանձնաժողովն ավարտել է իր աշխատանքը, եզրակացությունը պատրաստ է, հայտարարել է «Քաղաքացիական պայմանագիր» կուսակցության պատգամավոր, ԱԺ պաշտպանության և անվտանգության հանձնաժողովի նախագահ Անդրանիկ Քոչարյանը։/pp «Ես պարտավոր եմ արդյունքները ներկայացնել Ազգային ժողովի նիստի ժամանակ։ Պատճառների վերաբերյալ լուրջ հետաքննություն է իրականացվել, ոչ միայն տասնյակ հազարավոր փաստաթղթեր են ուսումնասիրվել, այլև լսել ենք պաշտոնյաների»,- ասել է նա՝ Հանրային հեռուստաընկերությանը տված հարցազրույցում։/pp Այն հարցին, թե եզրակացության մեջ ինչ ձևակերպումներ են օգտագործված, մեղավորները նշված են, պատգամավորը պատասխանել է, որ ոչ՝ պարզաբանելով, որ փաստաթղթում մատնանշված են պարտության պատճառները։/pp «Պարտության պատճառները բազմաբնույթ են և բազմաշերտ։ Ինչ հնարավոր է եղել, արձանագրվել է, ինչը հնարավոր չի եղել, համապատասխան մարմիններին հնարավորություն է տրվում շարունակելու ավելի խորը գործընթացներ՝ այնտեղ եղած փաստերի արձանագրման հիման վրա, որոնք թույլ կտան եզրակացություն տալ»,- ասել է նա։/pp Քոչարյանը հայտնել է, որ հոկտեմբերին նամակով դիմելու է խորհրդարանի նախագահին, որում խնդրում է դռնփակ նիստ հրավիրել։ Ընդ որում նա նշել է, որ զեկույցից ինֆորմացիայի մի մաս հասանելի կլինի նաև հանրությանը։/p