Կոպիրկին․ Մոսկվան երբեք չի հրաժարվել «ազնիվ բրոքերի» իր դերից Բաքվի և Երևանի միջև բանակցային գործընթացում

p bԵՐԵՎԱՆ, 5 սեպտեմբերի․/ԱՌԿԱ/․/b Մոսկվան երբեք չի հրաժարվել «ազնիվ բրոքերի» իր դերից Բաքվի և Երևանի միջև բանակցային գործընթացում, ասել է ՀՀ–ում ՌԴ դեսպան Սերգեյ Կոպիրկինը «ՀԱՊԿ․ դաշնակիցներ» հասարակական-քաղաքական հրատարակությանը տված հարցազրույցում։/pp «Ռուսաստանը երբեք չի հրաժարվել «ազնիվ բրոքերի» իր դերից Հայաստանի և Ադրբեջանի միջև բանակցային գործընթացում։ Ռուսաստանի նախագահ Վլադիմիր Պուտինի վերջին շփումներում, մասնավորապես՝ օգոստոսի 18-19-ին նրա պետական ​​այցը Ադրբեջան և հեռախոսազրույցները Նիկոլ Փաշինյանի և Իլհամ Ալիևի հետ, որի ընթացքում քննարկվել են հայ-ադրբեջանական հարաբերությունների կարգավորման հարցերը, դրա վառ հաստատումն են»,- ասել է դիվանագետը, փոխանցում է a target=_blank href=https://tass.ru/politika/21777151ՏԱՍՍ/a-ը։/pp Նա նաև նշել է, որ «ռուսական կողմի և անձամբ Պուտինի շնորհիվ» է հնարավոր եղել դադարեցնել 2020 թվականի պատերազմը, մշակել և կյանքի կոչել տնտեսական և տրանսպորտային հաղորդակցությունների ապաշրջափակման եռակողմ աշխատանքային խմբի մեխանիզմը։/pp «Մենք անկեղծորեն շահագրգռված ենք բանակցությունների հաջողությամբ, մեր ամենամոտ հարևանների, գործընկերների և դաշնակիցների տարածքում բարգավաճումով և խաղաղությամբ ... Անփոխարինելի նախադրյալ ենք համարում մեր երկու դաշնակիցների միջև խաղաղության բալանսավորված պայմանագրի կնքումը՝ անբաժանելի անվտանգության և կայուն սոցիալ-տնտեսական զարգացման ճարտարապետություն կառուցելու համար»,- ասել է Կոպիրկինը։/p