Миллиардерлар утырган суперяхта баткан мизгел видеога эләккән

Сицилия ярларында Bayesian суперяхтасы баткан. Бу вакытта көймәдә Британия мультимиллионеры Майк Линч һәм Morgan Stanley International директорлар советы рәисе Джонатан Блумер булган. Фаҗига мизгеле видеога эләккән. Бу турыда РЕН ТВ хәбәр итте.

Фаҗига 19 августта иртәнге бишләр тирәсендә Палермо ярларында торнадолы шторм вакытында була. Кадрларда яхтаның бик тиз су астына китүе күренә. Бату 2 минуттан да артык булмый.

Алты кешене, шул исәптән ике бизнесменны тапмаганнар әле.

Яхта хуҗасы – Линчның хатыны. Дүрт кеше, шул исәптән Линч үзе, һәлак булуы билгеле. 15 кеше котылган, алар арасында 1 яшьлек бала бар.

Яхта 57 метр тирәнлеккә төшеп утырган. Эзләүче водолазлар «иллюминаторлар аша мәетләр күргән». Алар баткан чакта каютада калгандыр дип фаразлана, диелә хәбәрдә.