Гөлназ Асаева ире белән мөнәсәбәтләре турында: «Күптән түгел катлаулы кризис кичердек»

Гөлназ Асаева белән Вилдан Шәмсетдинов (сәхнә тәхәллүсе – Вилли) гаиләсендә буталчыклар, киеренкелек булып алган. Иң мөһиме, пар бу аңлашылмаучанлыкны озакка сузмыйча гына хәл иткән.

«Күптән түгел генә мөнәсәбәтләребездә бик катлаулы кризис кичердек. Андый вакытларда бер-берең белән сөйләшергә кирәк. Бер күңелсез ситуация килеп чыкты, бу хакта биредә сөйләргә теләмим. Шунысын гына әйтәм, бу – хыянәт түгел. Ләкин миңа бик авыр булды, аның үземә терәк булуын көттем. Ә ул (ред. – Вилли) бу моментны игътибарсыз калдырды. Без аңлаштык, хәзер инде барысы да яхшы», – дип, гаилә тормышында барысы да тигез генә бармавы турында ачыктан-ачык сөйләгән Асаева социаль челтәрләрдә.