Саран ошонь тонавтыцясь телепроектэнь полуфиналсо (эрзя)

Екатерина Чугунова Мордовиясто тонавтыцясь лиссь «Классная тема!» телепроектэнь полуфиналс. Сон 35 тонавтыцятнень ютксо, конатненень сави ютавтомс мелень салыця ды мельс кундыця тонавкст шоунь колмоце сезонсо, кона арсезель РФ-нь Президентэнть Владимир Путинэнь кармавтомга «Россия 1» телеканалонть ды Россиянь Минпросвещениянь VK компаниянь информациянь кирдеманзо вельде. Теварсевксэнь участникекс теевсть физикань, химиянь, математикань, биологиянь, географиянь, рузонь келень ды литературань тонавтыцят. Полуфиналсо – эрьва предметэнь ветень-ветень тонавтыцят. Сынь кочказельть 6500 пелькстыцятнень, яволявтомань максыцятнень ютксто.
Полуфиналс лисицятнень тонавкстнэ невтевить ВКонтакте соцсетень теварсевксэнь куросо, а сёксень ушодомсто раськень вайгелень максоманть коряс кочкавить проектэнь сисем изницятне, конат невтьссызь эсест тонавксост «Россия 1» телеканалонь эфирсэ гранд-шоусо. Екатерина Чугунова – М.П. Девятаев Советской Союзонь Героенть лемсэ «Высота» тонавтомань 15-це Куншкакуронь химиянь тонавтыця.