Кунакханә номерында күзәтеп тормасыннар өчен нишләргә?

Эксперт кунакханә номерында яшерен камералар күзәтүеннән саклану өчен киңәшләр бирә. Бу турыда РИА Новости хәбәр итте.

Хәзерге смартфоннарда теләсә нинди камераны сканерлый торган җайланмалар була, ди ул. Ләкин аларга һәрвакытта да ышанып бетәргә ярамый.

«Кушымталар бөтен чагылуларны тикшерә, шуңа күрә алар хаталанып, «камера бар» дип күрсәтергә мөмкин, чынлыкта исә бу пыяла яки башка өслектән чагылыш кына була», – ди белгеч.

Шуңа күрә ул күзәтү камерасын куллар белән эзләп чыгарга киңәш итә. Моның өчен фонарик алып, бөтен шикле урыннарны яктыртып карап чыгыгыз.

Тагын бер ысул – номерда утны сүндереп бетерегез. Янып тора торган кызыл нокта кебек инфракызыл сигнал күрсәгез – димәк, сезне күзәтәләр.

Моннан тыш, куркынычсызлык өчен, бөтен шикле гаджетларны – Wi-Fi адаптермы ул, будильникмы – сүндереп бетерегез, алар да күзәтү белән бәйле булырга мөмкин, дигән эксперт.