Сёння Вербная нядзеля. Наш святочны фотарэпартаж
Cёння праваслаўныя вернікі адзначаюць Вербніцу, альбо Уваход Ісуса Хрыста ў Іерусалім, — свята, якое папярэднічае Вялікадню. Яго галоўным сімвалам здавён з'яўляюцца вербныя галінкі, якія асвячаюць у храме і на працягу года трымаюць у доме. Калі раней яны выглядалі даволі сціпла, то цяпер вербы пераўтвараюць у сапраўдныя творы дэкаратыўнага мастацтва. Мы паглядзелі, з якімі галінкамі людзі ў гэтым годзе ідуць у храм, а таксама пагутарылі з фалькларысткай, доктарам філалагічных навук Таццяна Валодзінай пра сакральнае значэнне вярбы для беларусаў.