Казанда бер атна элек югалган чаңгычыны тапканнар

Казансу елгасында чаңгыда йөрергә чыгып киткән ир-атны бер атна чамасы эзләделәр. Хәзер аның мәете табылган. Бу турыда котаручыларга сылтама белән «Татарстан 24» каналы хәбәр итте.

Якынча версия буенча, ир-ат кар астындагы куркыныч участокны абайламый, һәм боз астына төшеп китә.

44 яшьлек ир-ат мәетен бүген водолазлар су астыннан ала. Ул өченче транспорт дамбасының түбәнге күпере тирәсендә була.

Татарстан буенча Гадәттән тыш хәлләр министрлыгы белешмәсе буенча, ир-атның мәете ярдан 50 метр ераклыкта була.