Комбайн урып-җыю вакытында җир астына төшеп киткән

Иркутск өлкәсенең Нукутск районы Мельхитуй авылы янында 10-12 метр тирәнлектәге карст чокыры барлыкка килгән. Хезмәткәрләр булган хәл турында җирле фельдшерга хәбәр иткәннәр. Ул мәгълүматны бердәм дежур-диспетчерлык хезмәтенә тапшырган. Фаҗига булган урынга Гадәттән тыш хәлләр министрлыгы, «ашыгыч ярдәм» һәм хокук саклаучылар килгән, дип яза «Mash» телеграм каналы.

Карст чокыры. Хәзер кул белән казыйбыз. Комбайн тулысы белән шунда төшеп киткән. Хәзер ул бөтен авырлыгы белән кабинасында ята. Арткы мостны эләктереп, тартып кына аласы да, урыны да тигез, тик менә астагы убылу диаметры өскесенә караганда күбрәк, – дип аңлаталар видеода.

Комбайнчы һәлак булган. 39 яшьлек ир-атның мәетен машинадан чыгара алмаганнар, чөнки җирнең кабат ишелү куркынычы бар. Анда махсус техника җибәргәннәр. Тикшерү комитеты тикшерү эшен башлаган.