Мадуро қамоқда кечалари «Мен президентман!» дея бақирмоқда

ABC News тарқатган маълумотларга кўра, Мадуро ҳозирда Нью-Йоркдаги федерал қамоқхонада сақланмоқда ва у тунги пайтларда баланд овозда «Мен президентман!» деб бақираётгани айтилмоқда.

Маълумотларга кўра, у Нью-Йорк шаҳридаги федерал жазо муассасасида алоҳида камерада сақланмоқда. У жойлаштирилган хона тахминан 3х2 метр атрофида бўлиб, унда темир каравот ва кичик дераза мавжуд.

Хабарларда таъкидланишича, у ердаги шароит анча чекланган. Мадурога ҳафта давомида фақат уч марта жисмоний машқлар бажариш имконияти берилади.

Манбаларнинг билдиришича, унинг кундалик ҳаёти қатъий тартиб-қоидалар асосида олиб борилмоқда. Камерадан чиқиш вақти ҳам чекланган бўлиб, бу ҳолат собиқ раҳбарнинг руҳий ҳолатига ҳам таъсир кўрсатаётгани айтилмоқда.