OpenAI компьютерни бошқара оладиган янги GPT 5.4 моделини тақдим этди

Сунъий интеллект соҳасидаги етакчи ОпенАИ компанияси ўзининг янги ГПТ 5.4 моделини расман эълон қилди. Мазкур нейротармоқ асосан мураккаб иш жараёнларини автоматлаштириш ва дастурлаш вазифаларини бажаришга мўлжалланган. Ишлаб чиқувчиларнинг таъкидлашича, янги модел ўзидан олдинги версияларга қараганда анча ақлли ва самаралироқ ишлайди.

Янги модел ГПТ 5.2 ҳамда ГПТ 5.3 Cодех имкониятларини ўзида мужассам этган. ГДПвал тестларида у 44 та турли касбий йўналиш бўйича инсонлар билан деярли тенг ёки улардан устун натижаларни қайд этди. Айниқса, инвестицион таҳлил ва компютерни бошқариш бўйича вазифаларда модел жуда юқори кўрсаткичларни намойиш қилди. Масалан, компютерни бошқариш тестида у 75 фоиз натижа билан инсонларнинг ўртача 72,4 фоизлик кўрсаткичини ортда қолдирди.

Техник жиҳатдан ГПТ 5.4 анча тежамкор бўлди. Аввалги версияларда барча воситалар бир вақтнинг ўзида юкланган бўлса, янги модел керакли функцияларни Тоол Сеарч тизими орқали заруратга қараб танлаб олади. Контекст ойнаси ҳажми 1 миллион токенни ташкил этади. Шунга қарамай, АПИ орқали фойдаланиш нархлари бироз қимматлашди: кирувчи токенлар нархи 2,5 долларгача, чиқувчи токенлар эса 15 долларгача кўтарилди. Ҳозирда ушбу янги технологиядан АПИ ва Cодех орқали фойдаланиш имконияти мавжуд.