Флик Левандовскининг ўрнини босувчи икки вариантни кўриб чиқмоқда

«Барселона» ҳужумчиси Роберт Левандовски жароҳат сабаб сафдан чиқди. 37 ёшли форвард кўз косаси сингани туфайли Испания Кубоги ярим финалида Мадриднинг «Атлетико» клубига қарши яқинлашиб келаётган баҳсда майдонга туша олмайди. Бу ҳақда euro-football.ru хабар беради.

Mundo Deportivo хабарига кўра, полшалик тўпурар ўрнини катта эҳтимол билан Ферран Торрес эгаллайди — у аввал ҳам шундай вазиятларда жамоага ёрдам берган. Бироқ бош мураббий Ханс-Дитер Флик яна бир ечимни ҳам кўриб чиқмоқда: Дани Олмони «сохта тўққизлик» ролида синаб кўриш.

«Барселона» – «Атлетико» учрашуви 3 март куни «Камп Ноу»да бўлиб ўтади. Қарама-қаршиликнинг илк ўйинида «матрасчилар» 4:0 ҳисобида йирик ғалабага эришганди.