АФК Осиё Чемпионлар Лигаси ўйинларини бошқа санага кўчирди

Осиё футбол конфедерацияси (AFC) Абу-Даби, Дубай ва Доҳада ўтказилиши керак бўлган минтақавий Осиё Чемпионлар Лигаси учрашувлари қолдирилганини маълум қилди. Бу ҳақда euro-football.ru хабар беради.

Қарорга Эрон, АҚШ ва Исроил ўртасидаги ҳарбий кескинлик сабаб бўлди. Хабарларга кўра, Эрон томонидан учирилаётган снарядлар айрим қўшни давлатлар ҳудудига ҳам етиб бормоқда, бу мамлакатларда эса АҚШ ҳарбий базалари жойлашган.

AFC баёнотида конфедерация вазиятни яқиндан кузатишда давом этиши ва футболчилар, жамоалар, расмийлар ҳамда мухлислар хавфсизлигини таъминлаш масаласида қатъий позицияда экани таъкидланди.

Учрашувлар 2 ва 3 март кунлари ўтказилиши белгиланган эди. Ҳозирча янги саналар ёки ўйинлар бўлиб ўтадиган манзиллар эълон қилинмади.