Гальярдо кўз ёш билан хайрлашди: Ривердан ҳеч ким кетмайди

Марсело Гальярдо мураббий сифатидаги сўнгги учрашувини ўтказди: унинг жамоаси Банфилдга қарши баҳсда 3:1 ҳисобида ғалаба қозониб, кетма-кет уч мағлубиятдан иборат омадсиз серияга нуқта қўйди. Бу ҳақда euro-football.ru хабар беради.

Айнан ўша салбий натижалар Гальяроднинг лавозимига таъсир қилгани айтилаяпти, бироқ клуб унга мухлислар олдида муносиб тарзда хайрлашиш имконини берди. У эса ўйиндан кейинги лаҳзаларда жуда таъсирли чиқиш қилди.

"Ҳаммангизга шунчаки раҳмат. Сизнинг меҳрингизни сўз билан тўлиқ ифодалаш қийин. Мен бутунлай кетмаяпман. Ривердан ҳеч ким абадий кетмайди. Бу сеҳрли маскан: кетсанг ҳам, барибир клуб билан бирга қоласан", деди Гальярдо кўзларига ёш олиб.

Эслатиб ўтамиз, Марсело Гальярдо 90-йилларда клуб сафида ҳам, Аргентина терма жамоасида ҳам тўп сурган.