Никарагуалик футболчи Россияни кучли рақиб деб атади

Никарагуа терма жамоасининг ҳужумкор ярим ҳимоячиси Ариел Арауз Россияга қарши бўладиган ўртоқлик учрашуви олдидан фикр билдирди. Коста-Рика чемпионатида «Sporting» сафида тўп сураётган футболчи учун бу баҳс жиддий синов бўлишини таъкидлади. Бу ҳақда euro-football.ru хабар беради.

BetBoom ҳомийлигидаги ўртоқлик учрашуви 27 март куни Краснодарда бўлиб ўтади. Араузнинг айтишича, Россия ўз минтақасидаги энг муҳим ва кучли жамоалардан бири бўлиб, Никарагуа учун бундай рақибга қарши ўйнаш катта тажриба беради.

FIFA рейтингида Никарагуа 131-ўринда бормоқда, Россия эса 36-поғонани эгаллаб турибди. Ушбу терма жамоалар аввал ҳеч қачон ўзаро майдонга тушмаган. Март ойида Валерий Карпин бошчилигидаги Россияни Никарагуадан ташқари Мали билан ҳам учрашув кутмоқда.