Арбелоа “Реал”нинг “Манчестер Сити” билан жангга шай бўлишини айтди

Мадриднинг “Реал” клуби бош мураббийи Алваро Арбелоа “Манчестер Сити”га қарши бўладиган Европа Чемпионлар лигаси баҳси олдидан фикр билдирди. Бу ҳақда euro-football.ru хабар беради.

Мутахассиснинг айтишича, икки гранд ўртасидаги тўқнашув томошабоп кечиши кутилмоқда. Арбелоа “Реал” мухлислари рақибнинг кучини инобатга олган ҳолда бу учрашувга алоҳида қизиқиш билан қарашини таъкидлади ва жамоаси белгиланган пайтга келиб тўлиқ тайёр бўлишини қайд этди.

Эслатиб ўтамиз, “Реал” ва “Манчестер Сити” Чемпионлар лигаси 1/8 финалида тўқнаш келади. Дастлабки ўйин 11 март куни Мадридда, жавоб баҳси эса 17 март куни Манчестерда бўлиб ўтади.

Ўтган мавсумги Чемпионлар лигасида “қаймоқранглилар” “шаҳарликлар”ни плей-офф босқичида мусобақадан чиқариб юборганди (3:2, 3:1).