Аллегри «Милан»даги келажаги ҳақидаги гап-сўзларга жавоб берди

«Милан» бош мураббийи Массимилиано Аллегри унинг клубдан кетиши мумкинлиги ҳақидаги хабарлар юзасидан фикр билдирди. Бу ҳақда euro-football.ru хабар беради.

58 ёшли мутахассиснинг шартномаси 2027 йилнинг ўрталаригача мўлжалланган. Шунга қарамай, сўнгги пайтларда матбуотда у жорий мавсум якунида жамоани тарк этиши эҳтимоли борлиги ҳақида миш-мишлар тарқалди. Аллегри бу гапларни қатъиян рад этди.

«Милан»да тўлиқ уйғунлик бор. Биз бир йўналишда ишлаяпмиз, ҳаммасини биргаликда қилаяпмиз. Клуб келажак учун аллақачон режалар тузмоқда. Мен бу ерда ишлашдан хурсандман», — деб Аллегри сўзларини журналист Фабрицио Романо келтирди.

Бугун «россонери» А Серияда сафардa «Кремонезе»га қарши майдонга тушади. Учрашув 16:30 да (Тошкент вақти билан) бошланади.