Ғальярдо кўз ёш билан хайрлашди: «Ривер»дан ҳеч ким кетмайди

Марсело Ғальярдо мураббий сифатида сўнгги учрашувини «Банфилд»га қарши ўтказди. Ўйинда «Ривер Плейт» 3:1 ҳисобида ғалаба қозониб, кетма-кет уч мағлубиятдан иборат омадсиз сериясига нуқта қўйди. Бу ҳақда euro-football.ru хабар беради.

Аввалги муваффақиятсиз натижалар Ғальярдонинг лавозимидан кетишига сабаб бўлди, бироқ клуб унга муносиб тарзда хайрлашиш имконини берди. У эса ўйиндан кейинги лаҳзаларда ҳиссиётларини яширмай, мухлислар олдида таъсирли чиқиш қилди.

«Ҳаммага шунчаки раҳмат. Сизларнинг меҳрингизни сўз билан ифодалаш қийин. Мен абадий кетмаяпман. «Ривер»дан ҳеч ким абадий кетмайди. Бу сеҳрли маскан: ҳатто кетсанг ҳам, барибир клуб билан бирга қоласан», — деди Ғальярдо кўз ёшларини тия олмай.

Эслатиб ўтамиз, Марсело 90-йилларда клуб сафида ҳам, Аргентина терма жамоасида ҳам футболчи сифатида тўп сурган.