«Ал-Ҳилол» мухлислари Индзагини истеъфога чақирмоқда

Саудия Арабистони чемпионатида «Ал-Ҳилол» ҳали мағлуб бўлгани йўқ, бироқ сўнгги дуранглар серияси жамоани турнир жадвалида учинчи ўринга тушириб юборди. La Repubblica хабарига кўра, шу фонда клубда Симоне Индзагини бош мураббийликдан бўшатиш эҳтимоли ҳақида гап-сўзлар кучайган. Айниқса, «Ал-Ҳилол» мухлислари италиялик мутахассисга қарши чиқмоқда. Бу ҳақда euro-football.ru хабар беради.

Шунга қарамай, Индзаги вазиятга хотиржам қарамоқда: унинг шартномаси 2027 йилнинг ўрталаригача мўлжалланган ва муддатидан олдин бекор қилинса, катта компенсация тўланиши кўзда тутилган.

Симоне Индзаги ҳозирда дунёдаги энг кўп маош оладиган мураббийлар рўйхатида Диего Симеонедан кейин иккинчи ўринда туради. Индзагининг йиллик маоши 26 миллион еврёни ташкил этади.