Слуцкий бошқарувидаги Шанхай ACLда Бурирамга ютқазди
"Шанхай Шеньхуа" Осиё Чемпионлар лигасида етти турдан сўнг плей-оффга чиқиш имкониятини бой берди. 8-турда "Бурирам Юнайтед"га қарши баҳс Леонид Слуцкий жамоаси учун мусобақани ғалаба билан якунлашга сўнгги уриниш эди, бироқ бу режа иш бермади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. "Бурирам" биринчи бўлимнинг дастлабки дақиқаларидаёқ икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Муеанта Супханат гол урди. Кўп ўтмай "Шанхай Шеньхуа" бир футболчига кам бўлиб қолгани интрига сўнишига сабаб бўлди.
Қайд этиш жоиз, Леонид Слуцкий "Шанхай Шеньхуа" билан амалдаги шартномага эга ва у 2027 йил охиригача мўлжалланган.