Гальярдо кўз ёш билан хайрлашди: «Ривер»дан ҳеч ким кетмайди

Марсело Гальярдо мураббий сифатидаги сўнгги учрашувини «Банфилд»га қарши ўйинда ўтказди. Учрашувда «Ривер Плейт» 3:1 ҳисобида ғалаба қозониб, кетма-кет учта мағлубиятдан иборат омадсиз сериясига нуқта қўйди. Бу ҳақда euro-football.ru хабар беради.

Айнан шу муваффақиятсиз натижалар Гальярдонинг лавозимини сақлаб қолишига тўсиқ бўлди, бироқ клуб унга чиройли тарзда хайрлашиш имконини берди. Мураббий эса бу лаҳзани жуда таъсирли тарзда якунлади.

Ўйиндан кейин кўз ёшларини яширмаган Гальярдо мухлисларга миннатдорлик билдириб, «Шунчаки барчангизга раҳмат. Сизнинг меҳрингизни сўз билан ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли маскан: кетган тақдирингда ҳам барибир клуб билан қоласан», деди.

Эслатиб ўтамиз, Гальярдо 90-йилларда «Ривер Плейт» сафида ҳам, Аргентина терма жамоасида ҳам футболчи сифатида тўп сурган.