Жикия нега ўйнамагани агенти томонидан изоҳланди
“Антальяспор” ҳимоячиси Георгий Жикиянинг Туркиядаги вакили Малик Арутюнов россиялик футболчининг сўнгги ўйинларда майдонга тушмагани сабабини жароҳат билан боғлади. Бу ҳақда euro-football.ru хабар беради.
Агентнинг айтишича, Жикия шикастдан тўлиқ тикланган ва жамоага янги тайинланган бош мураббий ҳам уни асосий таркибда кўришни истамоқда.
“Ўйлайманки, Жикия “Фенербахче”га қарши учрашувда старт таркибида майдонга тушади. Клубда аллақачон учинчи мураббий, ҳар бирининг ўз қараши бор. Унинг ўйнамагани жароҳат билан боғлиқ эди”, — дея Арутюновнинг сўзларини “Чемпионат” келтиради.
2025/2026 йилги мавсумда Жикия Туркия чемпионати ва Кубогида жами 13 та ўйинда қатнашиб, 2 та гол урган.