Россия терма жамоаси март ойида Мали билан ўйнайди

Россия терма жамоаси март ойида икки назорат учрашувини ўтказишни режалаштирмоқда. Аввалроқ Валерий Карпин бошчилигидаги жамоа Краснодарда Никарагуа билан майдонга тушиши маълум қилинганди. Бу ҳақда euro-football.ru хабар беради.

Россия футбол иттифоқи матбуот хизмати хабарига кўра, 31 март куни Россия — Мали ўртасидаги BetBoom учрашуви бўлиб ўтади. Ўйин Санкт-Петербургда ташкил этилади ва старт ҳуштаги 22:00 да (Тошкент вақти билан) янграйди.

Эслатиб ўтамиз, Россия терма жамоаси FIFA рейтингида 36-ўринда бормоқда. Бўлажак рақиб Мали эса 54-поғонани эгаллаган. Уларнинг атрофида Перу ва Чили терма жамоалари жойлашган бўлиб, Карпин шогирдлари ўтган йил ноябр ойида айнан шу жамоаларга қарши ўйнаган эди.