Кафанов Сафонов ва Хайкин ютуқларини рус менталитети билан изоҳлади

Россия терма жамоаси дарвозабонлар мураббийи Виталий Кафанов Матвей Сафонов ва Никита Хайкиннинг муваффақиятларида уларнинг характери ҳам катта роль ўйнаётганини таъкидлади. Бу ҳақда euro-football.ru хабар беради.

Хайкин тўп тепаётган «Буде-Глимт» клуби тарихида илк бор Чемпионлар лигасининг 1/8 финалига чиқди. Сафонов эса «ПСЖ» сафида шу босқичда майдонга тушади, жамоа Франция чемпионатида ҳам пешқадамлик қилмоқда.

Кафановнинг фикрича, бу натижалар русларнинг руҳияти билан боғлиқ: тарихан рус одами қутқариш, ёрдамга етиб боришга одатланган, спортда эса бу сифат энг аввало дарвозабонларда яққол кўринади. Мутахассиснинг сўзларини «Match TV» келтирди.

Шунингдек, Кафанов Австриянинг «Штурм» клубида ўйнаётган Даниил Худяковни ҳам алоҳида қайд этди. Хайкин ҳақида гапирар экан, мураббий уни маҳаллий дарвозабонлар мактаби етиштирган футболчи деб ҳисоблашини билдирди.