«Барселона» Ҳоландни ҳам ўз сафига қўша олишини билдирди
«Барселона» директорлар кенгаши аъзоси Жоан Солер клуб йирик трансферларга қўл уришга тайёр эканини таъкидлади. Унинг айтишича, каталонияликлар молиявий имкониятлари ҳисобига энг катта юлдузлар учун кураш олиб бориши мумкин. Бу ҳақда euro-football.ru хабар беради.
«Ҳа, биз Ҳоланд ёки Алварес каби футболчиларни ҳам таркибга қўша оламиз. Бундай харидлар беш йил ичида ўзини оқлайди. Клубнинг молиявий ҳолати бунга йўл беради», — деди Солер Cadena Ser эфирида.
Энди асосий савол — «Барселона» яқин ёздайоқ топ ҳужумчилардан бирини олиб келиш учун амалий қадам ташлайдими-йўқми. Хусусан, Ҳоланд ҳозир дунёнинг энг кучли футболчиларидан бири саналади, Transfermarkt портали эса норвегиялик юлдузни 200 миллион еврога баҳолаган.