Галатасарайда футболчиларга маош тўланиши билан муаммо бор
Кутилмаган тарзда Коньяспорга ютқазган Галатасарай атрофида клуб ичидаги вазият кескинлашгани ҳақида хабарлар пайдо бўлди. TR24 порталига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манба таъкидлашича, бу ҳолат кетма-кет уч ойдан бери давом этмоқда. Клуб раҳбарияти эса масалага оид расмий изоҳ бермаётгани ОАВ ва мухлислар орасидаги қизиқишни янада кучайтирмоқда.
Маҳаллий журналист Ҳалик Юрекли сўнгги воқеалар фонида Галатасарайнинг чемпионлик имкониятлари жиддий савол остида қолаётганини билдирди.
Шунга қарамай, жамоа чемпионатда 55 очко билан етакчиликни сақлаб турибди. Бироқ 52 очкога эга ва захирада бир ўйини бор Фенербахче рақибини қувиб етиши мумкин.