Марокко терма жамоаси бош мураббийи истеъфога чиқди

Марокко терма жамоасини бошқариб келаётган Валид Реграги лавозимини тарк этиш бўйича ариза берди. Бу ҳақда RMC Sport журналистлари хабар тарқатди. Ҳозирда томонлар ҳамкорликни муддатидан аввал якунлаш шартларини муҳокама қилмоқда. Бу ҳақда euro-football.ru хабар беради.

50 ёшли мутахассис фаолиятини Саудия Арабистони чемпионатида давом эттириши мумкин. Манбаларга кўра, унга бир вақтнинг ўзида бир нечта клуб қизиқиш билдирмоқда.

Эслатиб ўтамиз, Марокко терма жамоаси 2026 йилги жаҳон чемпионатида иштирок этади. Мусобақа Шимолий Америкада ўтказилиб, учрашувлар АҚШ, Мексика ва Канададаги стадионларда бўлиб ўтади.

Гуруҳ босқичида марокколикларнинг рақиблари Бразилия, Гаити ҳамда Шотландия терма жамоалари бўлади.