Слуцкий бошқарувидаги «Шанхай» АЧЛда мағлубият билан якунлади

«Шанхай Шэньхуа» Осиё Чемпионлар лигасида етти турдан сўнг плей-оффга чиқиш имкониятини бой берганди. 8-турда «Бурирам Юнайтед»га қарши баҳс жамоа учун турнир билан хайрлашиш олдидан сўнгги уриниш бўлди, аммо «эшикни қарсиллатиб ёпиш»нинг иложи чиқмади. Бу ҳақда euro-football.ru хабар беради.

Учрашув 0:2 ҳисобида тайландликлар фойдасига якунланди. «Бурирам Юнайтед» биринчи бўлимнинг дастлабки қисмидаёқ икки бор гол урди, шундан кейин «Шанхай Шэньхуа»нинг бир футболчиси майдондон четлатилди ва ўйиндаги интрига деярли сўнди.

Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.