Леннарт Карл «Бавария»даги юксалишини табиий қабул қилди

Мюнхеннинг «Бавария» клуби ярим ҳимоячиси Леннарт Карл фаолиятининг илк босқичидаёқ жамоада тезда ўз ўрнини топгани уни ҳайратга солмаганини айтди. Бу ҳақда euro-football.ru хабар беради.

Ҳужумкор ярим ҳимоячи жорий мавсумда гранд сафида мунтазам равишда майдонга тушмоқда. 22 февраль куни у 18 ёшга тўлди.

«Баъзан бўлаётган воқеаларга ажаблангандек бўлдим, аммо ич-ичимдан бунга қодир эканимни билардим. Тинимсиз ишладим. Жуда хурсандман, лекин албатта ўсадиган жой доим бор. Кейинги ўйинларда кўпроқ гол уриб, кўпроқ узатма беришни, қолган жиҳатларда ҳам қўшишни истайман», — дея Карлнинг Kicker нашрига берган интервьюсидан иқтибос келтиради «Gazeta.Ru».

Шанба куни, 28 февральда «Бавария» Бундеслигада сафарда асосий таъқибчи — Дортмунднинг «Боруссия» жамоасига қарши баҳс ўтказади.