«Галатасарай»да маошлар кечикмоқда, клуб ичида таранглик
«Коньяспор»дан кутилмаган мағлубиятдан сўнг «Галатасарай» атрофида клуб ичидаги муаммолар ҳақида гаплар кучайди. TR24 хабарига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага кўра, бу ҳолат кетма-кет уч ойдан бери давом этмоқда. Клубнинг расмий вакиллари эса вазият бўйича изоҳ беришдан тийилмоқда, бу эса мухлислар ва ОАВ қизиқишини янада оширмоқда.
Маҳаллий журналист Ҳалик Юрекли сўнгги воқеалар фонида «Галатасарай»нинг чемпионлик имкониятлари жиддий савол остида қолаётганини таъкидлади.
Шунга қарамай, жамоа Туркия чемпионатида 55 очко билан пешқадам бўлиб турибди. Аммо 52 очкога эга ва захирада битта ўйини бор «Фенербахче» яқин таъқибчи сифатида етиб олиш имкониятини сақлаб турибди.