Гарри Кейн яқин келажакда «Барселона»га келмайди

Мюнхеннинг «Бавария» клуби ҳужумчиси Гарри Кейн яқин орада «Барселона» сафини тўлдирмайди. Бу ҳақда euro-football.ru хабар беради.

Яқинда каталониялик гранд президентлигига номзод Хавьер Вилахоана инглиз юлдузини жамоага олиб келиш нияти борлигини айтганди. Бироқ Sky Sport хабарига кўра, Кейнни келаси ёзда таклиф қилиш режада йўқ ва бу вариант ҳозирча амалда ҳам реал кўринмаяпти. «Бавария» эса форвард билан шартномани 2028 ёки 2029 йилгача узайтиришни хоҳламоқда.

Жорий мавсумда 32 ёшли Кейн Венсан Компани жамоасида барча мусобақаларда 36 ўйинда 43 та гол урди. Transfermarkt баҳосига кўра, футболчининг бозор қиймати 65 миллион еврoни ташкил этади.