Куеста «Парма» Сан-Сирода очко олиш ниятида эканини айтди

Италия А Сериясининг 26-турида «Парма» сафардa «Милан»га қарши майдонга тушади. Учрашув 22 февраль куни 22:00 да (Тошкент вақти билан) бошланади. Бу ҳақда euro-football.ru хабар беради.

Ўйинолди матбуот анжуманида бош мураббий Карлос Куеста жамоа Миланга фақат ҳимояланиш учун эмас, очко олиб қайтиш мақсадида бораётганини таъкидлади. Мутахассис максимал диққат ва интизом талаб қилиниши қайд этди.

Куеста таркиб бўйича ҳам янгилик берди: Чиркати жароҳат сабаб сафдан чиққан, Ндиайе эса яна умумий машғулотларга қайтган. Шунингдек, Дробнич ва Мена учрашувга тайёр бўлиши кутилмоқда. Мураббий жамоа ўзининг кучли жиҳатларидан тўлиқ фойдаланишга уриниб кўришини айтди.

Мураббий «Милан» ўйин услуби вазиятга қараб кескин ўзгаришини ҳам алоҳида урғулади: «Кому»га қарши юқоридан прессинг қилган бўлса, бошқа баҳсларда рақибга кўпроқ тўпни бериб ўйнаган. Куестанинг фикрича, «Парма» рақибга мослашиб кетишдан кўра, ўз имкониятларига таяниб, бўш ҳудудларга кириб бориши ва ҳар икки жарима майдонида ҳам қатъий бўлиши керак.

Ҳозирда «Парма» турнир жадвалида 29 очко билан 12-ўринда бормоқда. «Милан» эса 54 очко жамғарган ҳолда 2-поғонани эгаллаб турибди.