Агент Денис Макаровнинг соғлиги ҳақида сўнгги маълумот берди

Қанот ҳужумчиси Денис Макаров манфаатларини ҳимоя қилувчи агент Алексей Бабир мижозининг ҳозирги аҳволи ҳақида гапирди. Бу ҳақда euro-football.ru хабар беради.

Эслатиб ўтамиз, Москванинг «Динамо» клубидан Туркиянинг «Кайсериспор» жамоасига кўчиб ўтган футболчи яқинда енгил жароҳат олганди.

Агентнинг айтишича, Макаров тикланиб бўлган ва шу ҳафта давомида жамоа билан умумий гуруҳда тўлиқ машғулот ўтказмоқда. У клубдаги муҳитдан мамнун, ҳаммаси ёқмоқда, фақат кичик жароҳат ритмни бузиб қўйди — акс ҳолда у аллақачон учрашувларни илк дақиқалардан бошлаган бўларди.

Макаров Туркияда ҳозирча бир ўйинда майдонга тушиб, 30 дақиқа ҳаракат қилиб улгурди.

Якшанба куни «Кайсериспор» Туркия чемпионати 23-тури доирасида «Антальяспор»га қарши майдонга тушади.