Милнер рекордига ортиқча эътибор бермасликка чақирди

"Брайтон" ярим ҳимоячиси Жеймс Милнер АПЛ тарихида энг кўп ўйин ўтказган футболчига айланди — унинг ҳисобида 654 та учрашув бор. Бироқ тажрибали футболчи бу рақамни алоҳида воқеа сифатида кўрмаётганини айтди. Бу ҳақда euro-football.ru хабар беради.

Милнернинг таъкидлашича, рекорд атрофида ҳаддан ташқари кўп гап-сўз бўлаяпти. Унинг фикрича, доим энг муҳим нарса жамоа бўлган, ушбу кўрсаткич эса фақатгина фаолияти давомида кўмак берганларнинг барчасига — оила аъзолари, дўстлар ва жамоадошларига миннатдорчилик билдириш учун сабаб, холос. У, шунингдек, қурбонликни фақат ўзи эмас, атрофидагилар ҳам қилганини қўшимча қилди. BBC Sport ветеран футболчининг сўзларини келтирди.

Эслатиб ўтамиз, ҳозирда "Брайтон" АПЛ турнир жадвалида 12-ўринда бормоқда.