Милнер махсус бутсада АПЛ рекордини янгилади

Ярим ҳимоячи Жеймс Милнер Англия Премьер-лигасида ўтказган ўйинлари сони бўйича Гарет Беррини ортда қолдирди ва 654 та учрашув билан мусобақа тарихидаги энг кўп майдонга тушган футболчига айланди. Бу ҳақда euro-football.ru хабар беради.

40 ёшли футболчи бу рекордни ўзига хос бутсада қайд этди: унинг оёқ кийимининг орқа қисмида Премьер-лигадаги ўйинлари сони — 654 — ёзиб қўйилган. «Брайтон» матбуот хизмати кийиниш хонасидан олинган суратни эълон қилди.

Шанба куни «Брайтон» сафардa «Брентфорд»га қарши чемпионат ўйинини ўтказмоқда. Учрашувнинг илк ярим соати якунга яқин «чайкалар» ҳисобни очди.

Милнер Премьер-лиганинг етакчи клублари сафида ҳам тўп сурган — у фаолияти давомида «Манчестер Сити» ва «Ливерпул»да ўйнаган.