Престианни УЕФАга Винисиусга қандай сўз айтганини тушунтирди

УЕФА Чемпионлар лигасида “Бенфика” ва “Реал” ўртасидаги учрашувда юзага келган можарони ўрганмоқда. Винисиус Жуниорда рақиб футболчи Жанлука Престианнини ирқчилик мазмунидаги ҳақорат ишлатганликда айблади. Бу ҳақда euro-football.ru хабар беради.

ESPN хабарига кўра, Престианни УЕФАга кўрсатма берган. “Бенфика” футболчиси испан тилида ирқчилик ҳақорати сифатида талқин қилинадиган “mono” сўзини айтганини рад этди. Аргентиналик футболчи унинг ўрнига “m” ҳарфи билан бошланувчи, талаффузи ўхшаш бошқа ҳақоратли сўзни ишлатганини айтган — у ирқчиликка алоқадор бўлмаган, нотрадицион жинсий ориентациядаги эркакка нисбатан айтиладиган сўз эканини таъкидлади.

Қайд этилишича, ҳодиса пайтида Престианни оғзини футболкаси билан тўсиб олган, шу сабабли лабдан ўқиш бўйича мутахассисларни жалб қилиш амалда фойда бермайди.

Учрашувда “Реал” сафардa “Бенфика”ни 1:0 ҳисобида мағлуб этди.