Карраҳер «Бодо-Глимт»ни кўпроқ ҳурмат қилишга чақирди

«Ливерпул»нинг собиқ ҳимоячиси Жейми Карраҳер Миланнинг «Интер» жамоасига қарши ўйиндан сўнг Норвегия чемпионати вакили «Бодо-Глимт»нинг ўйинини алоҳида эътироф этди. Европа Чемпионлар лигаси плей-оффидаги илк учрашувда норвегияликлар А Серия клубини 3:1 ҳисобида мағлуб этиб, кутилмаган натижа қайд этди. Бу ҳақда euro-football.ru хабар беради.

Карраҳернинг айтишича, номи унчалик таниш бўлмаган «Бодо-Глимт»нинг «Интер»ни енггани кўпчилик учун шок бўлиб кўринади, бироқ ўйинни диққат билан томоша қилганлар жамоа қандай сифатли футбол намойиш этаётганини кўради. У «Глимт» футболчилари Чемпионлар лигаси даражасидаги жамоага хос тарзда ҳаракат қилаётганини таъкидлаб, уларга янада катта ҳурмат билан қараш кераклигини билдирди.

«Интер» ва «Бодо-Глимт» ўртасидаги жавоб учрашуви 24-февраль куни бўлиб ўтади.