Аргентина футбол раҳбари Тапиа коррупция иши бўйича сўроқ қилинади

Аргентина футбол ассотсиатсияси (AFA) президенти Клаудио Тапиа ижтимоий бадаллар тўланмагани ҳақидаги иш доирасида прокуратурага сўроққа чақирилди. Бу ҳақда euro-football.ru хабар беради.

Ушбу ишда AFA ғазначиси Пабло Товигино ҳам гумондор сифатида қайд этилган. Ҳуқуқ-тартибот идоралари икки амалдорга ҳам мамлакатни тарк этишни тақиқлаган.

Сўроқ 5 март куни ўтказилиши белгиланган. Тергов AFA томонидан ижтимоий бадаллар бўйича давлат бюджетига 13 миллион доллар етишмаётгани аниқлангач бошланган.

Шунингдек, Тапиа мулкида бўлган, 10 гектар майдонга эга ва вертолёт майдончаси бор ҳашаматли қўрғон ҳам терговчилар эътиборига тушган.

Прокуратура алоҳида тартибда футболчиларга тўланган бонуслар миқдорини ҳам ўрганмоқда: ушбу рақам Тапианинг дунё бўйлаб парвоз харажатларидан кам экани саволлар уйғотган.