Билялетдинов Роналдунинг юқори даражага интилишини эътироф этди

Тажрибали мураббий Ринат Билялетдинов Саудия Арабистонининг «Ан-Наср» клубида тўп сураётган ҳужумчи Криштиану Роналдунинг ҳозирги формасига баҳо берди. Бу ҳақда euro-football.ru хабар беради.

Мутахассис фикрича, португалиялик юлдуз ўзига хос футболчи бўлиб, унинг натижаларини такрорлаш деярли имконсиз. Билялетдинов 40 ёшдан ошганига қарамай, Роналду ҳануз энг юқори даражада ўйнашга интилаётганини алоҳида таъкидлади.

Жорий мавсумда 41 ёшли ҳужумчи барча мусобақаларда 23 та учрашувда майдонга тушиб, 19 та гол ва 3 та ассист қайд этди.

Саудия чемпионатининг 21-туридан кейин «Ан-Наср» турнир жадвалида 52 очко билан учинчи ўринда бормоқда.