Жезуш Роналдуни навбатдаги учрашувда дам олдиради

"Ан-Наср" бош мураббийи Жорже Жезуш Криштиану Роналдунинг яқинлашиб келаётган ўйинда майдонга тушмаслиги сабабини маълум қилди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида "Аркадаг"га қарши баҳс олиб боради. Португалиялик юлдуз форвард тез орада майдонга қайтиши кутилaётган бўлса-да, бу учрашувда ҳам таркибда бўлмайди.

"Зич тақвим сабаб Роналдуни ва асосий таркибдаги яна бир нечта футболчини дам олдиришга қарор қилдик. Олдинда "Ал-Фатеҳ"га қарши жуда муҳим ўйин турибди", — дея Жезушнинг сўзларини келтиради Al Nassr Zone.

Мураббий таъкидлашича, Роналдунинг сафардаги ўйинларни ўтказиб юбориши янгилик эмас: у Саудия Арабистонидан ташқарида бўлиб ўтадиган учрашувларда биринчи марта қатнашмаётгани йўқ.

Саудия чемпионатида "Ал-Фатеҳ" — "Ан-Наср" учрашуви шанба, 14-февраль куни бўлиб ўтади.