«Реал» Бундеслига юлдузи учун трансфер сиёсатини ўзгартирмоқчи

Дортмунднинг «Боруссия» клубида тўп сураётган марказий ҳимоячи Нико Шлоттербек ҳамон Мадриднинг «Реал» жамоаси трансфер рўйхатида қолмоқда. Бу ҳақда euro-football.ru хабар беради.

Сўнгги ҳафталарда «қироллик клуби» вакиллари 26 ёшли футболчининг номзодини фаол таҳлил қилди. Diario AS хабарига кўра, «Реал» ичида Шлоттербек ҳозирда марказий ҳимояни кучайтириш учун мавжуд вариантлар орасида энг мақбул номзод экани борасида ишонч ортиб бормоқда. Клуб 2019 йилдан бери одатда 20 ёшдан анча катта футболчилар учун катта маблағ сарфлашдан тийилиб келади, бироқ «ариқлар» етакчиси учун бу ёндашувдан чекинишга тайёр.

Манбага кўра, Шлоттербекни Мадридга олиб келиш «Реал»га тахминан 50 млн евроға тушиши мумкин. Марказий ҳимоячининг «Боруссия» билан амалдаги шартномаси 2027 йилгача мўлжалланган.