Билялетдинов Роналдунинг юқори савиядаги интилишига баҳо берди

Таниқли мураббий Ринат Билялетдинов Саудия Арабистонининг «Ал-Наср» клубида тўп сураётган ҳужумчи Криштиану Роналду ўйинлари ҳақида фикр билдирди. Бу ҳақда euro-football.ru хабар беради.

Мутахассис Роналдуни ноёб футболчи деб атаб, унинг натижаларини такрорлаш деярли имконсизлигини таъкидлади. Билялетдиновнинг айтишича, 40 ёшдан ошганига қарамай, португалиялик юлдуз ҳануз энг юқори даражада ўйнашга интиламоқда.

Жорий мавсумда 41 ёшли Роналду барча мусобақаларда 23 та учрашувда майдонга тушиб, 19 та гол урди ва 3 та голли узатма амалга оширди.

21-турдан сўнг «Ал-Наср» мамлакат чемпионати жадвалида 52 очко билан учинчи ўринда бормоқда.