Слутскийдаги «Шанхай Шенхуа» ОКЧЛни мағлубият билан якунлади

«Шанхай Шенхуа» Осиё Чемпионлар лигасида етти турдан кейин плей-офф йўлланмаси учун барча имкониятларини бой берганди. 8-турда «Бурирам Юнайтед»га қарши баҳс Леонид Слутский жамоаси учун турнирдан олдин сўнгги марта ўзини кўрсатиш имконияти эди, бироқ бунга эришилмади. Бу ҳақда euro-football.ru хабар беради.

Тайланд клуби учрашувни 2:0 ҳисобида ўз фойдасига ҳал қилди. «Бурирам Юнайтед» илк бўлимнинг бошидаёқ икки бор рақиб дарвозасини ишғол қилди: 11-дақиқада Гуд Кўртис, 22-дақиқада эса Муеанта Супханат гол урди. Кўп ўтмай «Шанхай Шенхуа» бир футболчисидан айрилиб, ўйин сон жиҳатдан камчиликда давом этди ва интрига деярли сўнди.

Маълумот учун, Леонид Слутскийнинг «Шанхай Шенхуа» билан амалдаги шартномаси 2027 йил охиригача мўлжалланган.