Дани Олмо «Барселона» Чемпионлар лигаси финалига яқин келганини айтди

«Барселона» ярим ҳимоячиси Дани Олмо Чемпионлар лигасида ғолиблик учун кураш ҳақида фикр билдирди. Бу ҳақда euro-football.ru хабар беради.

Олмонинг таъкидлашича, ўтган мавсум каталонияликлар финалга жуда яқин келган, бироқ ҳал қилувчи босқич қўлдан чиқиб кетган. Унинг айтишича, айнан шу ҳолат жамоани янада кўпроқ руҳлантириб, кубок учун охиригача курашишга ундамоқда.

Эслатиб ўтамиз, ўтган Чемпионлар лигаси мавсумида «Барселона» ярим финалгача етиб борган ва унда Миланнинг «Интер» жамоасига қарши баҳсда мағлуб бўлган (3:3, 3:4).

Жорий мавсумда Ҳанс-Дитер Флик бошқарувидаги жамоа умумий босқични бешинчи ўринда якунлаб, 1/8 финалга тўғридан тўғри йўлланма олди. «Барселона» саккиз турда 16 очко жамғарди.