Дани Олмо Фликнинг талабчанлиги ҳақида гапирди

«Барселона» ярим ҳимоячиси Дани Олмо жамоа бош мураббийи Ханс-Дитер Фликнинг иш услуби ва характери ҳақида фикр билдирди. Бу ҳақда euro-football.ru хабар беради.

Олмонинг айтишича, Флик вазиятга қараб турлича муносабат билдиради: баъзан овозини кўтаради, баъзан эса футболчиларни тинчлантириб, тўғри йўл кўрсатади. «У билан инглиз тилида гаплашаман, лекин жаҳли чиққанида немисчасидан ҳам ҳаммасини тушуниб кетаман. Флик жуда эътиборли, аниқ тасаввурга эга ва нимани хоҳлашини яхши билади», — дея Олмонинг сўзларини келтиради Барча Universal.

Флик «Барселона»ни 2024 йил ёзида қабул қилиб олганди. Унинг қўл остида каталонияликлар Испания чемпионлигини қўлга киритди, шунингдек, Кубок ва мамлакат Суперкубогини ҳам қўшиб олди.

Ҳозирда «Барселона» Ла Лигада 24 ўйиндан сўнг 58 очко жамғариб, иккинчи ўринда бормоқда.