Елагин «Фенербахче» ва «Ноттингем» учрашуви учун прогноз берди

Европа Лигаси плей-офф босқичидаги илк стык баҳсида Истанбулнинг «Фенербахче» жамоаси «Ноттингем Форест»ни қабул қилади. Ушбу тўқнашув олдидан футбол шарҳловчиси Александр Елагин ўз фикрларини билдирди. Бу ҳақда euro-football.ru хабар беради.

Унинг таъкидлашича, «Ноттингем Форест» Англия чемпионатида қуйи поғоналарга яқин бўлса-да, Европа Лигасида анча муносиб ўйин кўрсатмоқда. Елагин фикрича, бу жуфтликда яққол фаворит йўқ, шу сабабли голлар бўйича вариантни кўриб чиқиш мантиқий: прогноз — ўйинда 2-3 та гол.

«Фенербахче» — «Ноттингем Форест» учрашуви бугун, 19-февраль куни Истанбулда бўлиб ўтади. Старт ҳуштаги 22:45 да (Тошкент вақти билан) янграйди.