«Бока Хуниорс» спорт директори лавозимига янги ном тайинланди

Аргентинанинг «Бока Хуниорс» клуби янги спорт директори ким бўлишини эълон қилди — бу лавозимга Марсело Делгадо тайинланди. У клуб президенти, «Барселона» собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

«Бока Хуниорс» таркибни зудлик билан кучайтиришга муҳтож, шу сабаб Делгадо ва Рикелме дуэти трансферлар ҳамда жамоани мустаҳкамлаш бўйича тезкор қарорлар устида ишлаши кутилмоқда.

Марсело Делгадо футболчи сифатида ҳам катта тажрибага эга: у Аргентина терма жамоасида 1995–2002 йилларда 18 та учрашувда майдонга тушган ва 1998 йилги жаҳон чемпионатида ҳам иштирок этган.

Шунингдек, Делгадо 2003 йилда Либертадорес Кубоги тўпурари бўлган — у бу кўрсаткични «Сантос» ҳужумчиси, бразилиялик Рикардо Оливейра билан бирга қайд этган.