Роналду «Ал-Наср» мураббийидан ўйин амалиётини камайтиришни сўради
«Ал-Наср» ҳужумчиси Криштиану Роналду асосан муҳим учрашувларда майдонга тушишга тайёр. Бу ҳақда euro-football.ru хабар беради.
365Scores Arabic хабарига кўра, 41 ёшли футболчи бош мураббий Жорже Жезуш билан гаплашиб, ОФК Чемпионлар лигасида турнир ҳал қилувчи босқичига киргунча уни имкони қадар камроқ ўйинларга жалб этишни сўраган. Роналду ортиқча юкламадан қочиб, асосий беллашувларга энг яхши ҳолатда тайёр туришни ва мундиалга оптимал формага кириб боришни истамоқда.
Жорий мавсумда Роналду «Ал-Наср» сафида 23 ўйинда 19 та гол урди. Португалиялик юлдуз Саудия Арабистони чемпионати тўпурарлар рўйхатида Айвен Тонидан кейин иккинчи ўринда бормоқда.