Осимҳен «Ювентус» устидан ғалабани ҳаддан ташқари нишонлади

Туркиянинг «Галатасарай» клуби Чемпионлар лигаси плей-офф босқичидаги илк ўйинда Туриннинг «Ювентус» жамоасини ишончли тарзда мағлуб этди. Учрашувда турклар рақиб дарвозасига беш бор аниқ зарба йўллади, ўз дарвозасидан эса икки гол ўтказиб юборди. Бу ҳақда euro-football.ru хабар беради.

Беллашувнинг энг кўзга кўринган футболчиларидан бири Виктор Осимҳен бўлди: у нафақат гол урди, балки жамоадошларига ҳам голли узатмалар билан ёрдам берди.

Ўйиндан кейин эса собиқ «Наполи» ҳужумчиси ҳиссиётларга берилиб кетди. У стадионнинг ички йўлакларидан бирида хурсандчилик устида ёритиш жиҳозларидан бирини синдириб қўйди. Етказилган зарарни клуб ўз зиммасига олиб, тўлаб берди.

Жавоб учрашуви бир ҳафта ўтиб, «Ювентус» майдонида бўлиб ўтади.