Винисиус Мбаппе қўллаб-қувватлагани учун миннатдор бўлди

"Реал" ҳужумчиси Винисиус Жуниор жамоанинг яна бир етакчи форварди — Килиан Мбаппега алоҳида миннатдорлигини билдирди. ESPN Deportes хабарига кўра, бразилиялик футболчи сешанба кунги ўйинда ҳам, майдон ташқарисида ҳам Мбаппе уни қўллаб-қувватлаганини юқори баҳолаган. Бу ҳақда euro-football.ru хабар беради.

Қайд этилишича, "Реал" клуби Лиссабондаги баҳс атрофидаги шов-шувдан сўнг Винисиусни тўлиқ ҳимоя қилмоқда.

Эслатиб ўтамиз, Винисиус Жуниор "Бенфика" футболчиси Джанлука Престианнини ирқчилик руҳидаги ҳақоратда айблаган. Лиссабон клуби вакиллари эса бу эътирозларни рад этган. Ўйиндан кейин Мбаппе Престианнига ўхшаганларга Чемпионлар лигасида ўрин йўқлигини таъкидлаган.

Учрашувда "Реал" сафарда "Бенфика"ни 1:0 ҳисобида мағлуб этди.